[食譜]忌廉泡芺

話難唔難, 話簡單唔簡單的一個小手作, 忌廉泡芺。

是咁的話說我呢隻為食熊成日都買野食...出面的包店, 偶然會有賣細細個的泡芺仔, 但係一咬開, 入面的忌廉好似美X的空氣包咁...嬲嬲地, 決定自己整, 至少我唔夠的, 仲可以係面頭唧一大Pat上去滿足自己丫。

講下材料先:

以下的材料約整12至15個泡芺, 睇番自己唧出黎的麵漿大小而定

低筋麵粉 55g (過篩什麼的就不再提了)

雞強 2隻

牛油 45g (想快就記得放室溫放軟先)

水 90ml

鹽 少許

淡忌廉 150g

砂糖 15g

步驟:

1) 牛油, 水, 鹽放入鍋中用中火煮滾(記得要滾!)

2) 滾左之後一口氣加入麵粉, 然後轉細火就開始攪拌, 目標係要粉糰呈半透明狀態, 然後熄火

3) 雞蛋打勻, 等2的麵糰變得唔淥手之後, 分幾次加入去, 記得記得, 落完一次要徹底攪拌先好再加, 目標係加到筆起佢之後佢會呈三角形咁緩慢流落黎, 就算d蛋的份量多或少都唔好再加了!

4) 放入唧袋, 焗爐預熱190度, 係焗盤上唧番適當的大小, 如果你係想整MasterChef果種長泡芺, 就用花嘴唧一條長形的就可以~

 5) 入爐之前, 先在表面劃十字, 令佢膨脹時爆開爆得靚少少, 另外, 在表面噴水避免焗乾, 入爐焗約25分鐘,表面變成金黃就可以, 焗完唔好立即拎出黎,等多約5分鐘避免佢遇到冷空氣收縮

6)未搞掂架!最重要的步驟未做!砂糖加淡忌廉打到乾性發泡(姐係完全打起, 倒轉都唔會跌果隻)

7)放入唧袋中再唧入泡芺入面, 鍾意滿的就唧滿d, 鍾意朱古力味的就打忌廉的時候加可可粉, 泡芺的做法千變萬化, 總有一種岩你口味的~

但係由於我仲有太多cream剩, 於是我的同事, 日文同學就迫住食左好多粒....

希望大家都鍾意